KALIBO, Aklan—Humampak eon sa 2,647 ro kabilugang kaso it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.

Base sa datus nga ginpagguwa it Provincial Epidemiology and Surveillance Unit it Provincial Health Office, raya hay matapos nga madugangan it kapin sa 145 ro bag-ong kaso it deadly virus.

-- Advertising --

Sa pihak kara, nakalista man it 43 nga bag-ong nagmayad rason nga sumaka eon sa -2,144 ro total recoveries.

Samtang, nakalista man it pitong bag-ong namatay nga ginakaeakipan it Case No. 2080 maghalin sa banwa it Banga, Case No. 2292 it Malay, Case No. 2334 ag Case No. 2442 it Kalibo, Case No. 2463 ag Case No.  2465 it Ibajay ag Case No. 2641 it banwa it Numancia rason nga nag-abot eon sa 64 ro namatay matapos dapuan it COVID-19 infection.

Sa makaron, 439 pa ro nabilin nga aktibong kaso nga ginakaeakipan it 362 nga naka-facility quarantined, 49 nga admitted sa Aklan Provincial Hospital ag 28 nga naka-home quarantined.