KALIBO, Aklan—Pagapasakaan eun makarun nga adlaw, Hunyo 18, it kasong pag-eabag sa Republic Act No. 11332, or The Mandatory Reporting of Notifiable Diseases and Health Events of Public Health Concern Act kamana man ro pag-eabag sa Article 172 of the Revised Penal Code Falsification by Private Individuals and Use of Falsified Documents ro kapin sa 11 ka mga turistang nagpameke it negatibong resulta it andang Reverse Transcription Polymerase Chain Reaction (RT-PCR) test agud nga makasueod ag magabakasyon sa Isla it Boracay.

-- Advertising --

Suno kay P/Lt.Col. Don Dicksie De Dios, hepe it Malay Municipal Police Station nga makarun hay iga-file eun nanda ro kaso pamaagi sa ordinary filing.

Madumduman nga unang nadakpan ro pitong ka mga turista nga nagpameke it andang resulta it RT-PCR test samtang idto nagabakasyon sa isla it Boracay.

Ginsundan man raya it ap-at nga nadakpan man samtang una pa eamang sa Tabon Port.Samtang, ginklaro man ni P/Lt.Col De Dios nga ro mga nasambitan nga turista hay nakabalik eun sa andang place of origin.

Samtang, ginklaro man ni P/Lt.Col. De Dios nga sa petsa 24 it Hunyo hay owa it ginapasugtan nga non-essential gatherings kasunod it kapiyestahan ni San Juan de Bautista.Apang pwedi sa gihapon nga magpaligos ro mga turista nga nagabisita sa isla.

Raya hay bangud gina-ekspektar eun sigon nga ro tuyo it mga raya sa pagbakasyon hay agud nga makapaligos sa white beach.