GENERAL SANTOS CITY – Anim na minuto bago mag-alas 6:00 ng gabi ay naramdaman ang medyo may kalakasan na pagyanig dito sa lungsod GenSan.

Tinatayang tumagal ang pag-uga ng lupa ng halos dalawang minuto.

-- Advertisement --

Ayon sa Phivolcs, ang naturang pagyanig ay kasabay ng naitalang magnitude 5.4 na lindol sa 28 kolometers Southeast sa bayan ng Jose Abad Santos Davao Occidental bandang 5:54 ng hapon ng Huwebes(February 20).

May lalim na 186 kilometers at tectonic ang origin ng pagyanig.

Naitala naman ang instrumental intensity 4 sa General Santos City, intensity 3 sa Kiamba, Alabel at Malungon, Sarangani Province at Tupi, South Cotabato habang intensity 1 sa Kidapawan City and Koronadal City.

Wala namang naitalang pagkasira sa mga ari-arian at aftershocks matapos ang malakas na pagyanig.