Nagsimula nang magbunga ang pagsisikap ng Marcos administration na lumikha ng mas maraming trabaho para sa mga Pilipino.
Ito’y matapos maitala ang pagbaba ng unemployment rate sa 4.5 percent noong Abril 2023, mula sa 5.7 percent sa parehong buwan noong nakaraang taon.
Sa ulat ng Philippine Statistics Authority (PSA) tumaas 95.5% ang employment rate sa bansa noong April 2023.
Tinatayang nasa 48.06 milyong Pilipino na ang may trabaho para sa nasabing buwan, mas mataas ng 2.43 milyon kumpara noong nakaraan Abril 2022 na nasa 45.63 milyon.
Ayon kay Undersecretary Claire Dennis Mapa ng PSA, ang sektor na may pinakamalaking share sa kabuuang employment sa bansa ay ang services sector, kasunod nito ang agriculture sector, at ang industry sector.
Kaakibat nito ay ang pagbaba ng unemployment rate na nasa 4.5%, mas mababa kumpara sa 5.7% rate noong Abril 2022.
Batay sa datos ng PSA, tumaas ang Labor Force Participation Rate (LFPR) sa 65.1 porsiyento noong Abril 2023 o humigit-kumulang 50.31 milyong Pilipino na may edad 15 taong gulang pataas na may trabaho o walang trabaho.
Ang naiulat na LFPR noong Abril 2023 ay mas mataas din kaysa sa naiulat na rate na 63.4 porsiyento noong Abril 2022 at 64.5 porsiyento noong Enero 2023.
Iniulat din ng PSA na ang antas ng underemployment sa mga lalaki ay mas mataas na nasa 14.6 porsiyento kaysa sa mga babae na nasa 10.6 porsiyento.
Ang unemployment rate para sa mga lalaki ay nakarehistro sa 4.8 porsiyento ng 29.27 milyong lalaki sa labor force, habang 4.0 porsiyento ng 21.04 milyong babae sa labor force ay walang trabaho noong Abril 2023.
Ang nangungunang top 5 sub-sector na may pinakamataas na pagtaas sa bilang ng mga taong may trabaho mula Abril 2022 hanggang Abril 2023 ay kinabibilangan ng wholesale at retail trade; pagkumpuni ng mga sasakyang de-motor at motorsiklo ; mga aktibidad sa tirahan at pagkain ; mga aktibidad sa serbisyong pang-administratibo at suporta; transportasyon at imbakan at iba pang aktibidad sa serbisyo.
