Duha-duha pa kun makakuha sang visa agud makahampang sa Australian Open ang wala nabakunahan nga mga tennis stars.

Mismo si defending champion kag world number one Novak Djokovic ang gina-alegar nga indi man makapasakop sa amo nga upcoming tournament bangud sa nasambit nga isyu.

PHOTO: AFP

Suno kay Victoria state premier Dan Andrews, wala sang i-exempt ang COVID-19 rules sa Australia.

Indi pagpaboran bisan ang player nga may mataas nga tennis ranking ukon player nga may pila pa ka Grand Slams nga nadag-an.

Una diri, mismo si Djokovic ang nagpahayag nga indi pa siya sigurado kun maka-compete siya sa Australian Open bangud indi pa maayo ang sitwasyon.

-- Web Ads --

Una na nga ginsapubliko ni Djokovic ang iya pagpamatok sa vaccines kag wala man sini ginasabat ang pamangkot kun nabakunahan na siya ukon wala.

Facebook Comments

bomboradyo