Nalakip na man si American Interim World Boxing Council (WBC) lightweight champion Ryan Garcia sa malaba nga listahan nga luyag makasumpong si eight-division world champion Manny Pacquiao.

Sang Enero 3 lang natapos ang hampang ni Garcia matapos nangin madinalag-on pinaagi sa seventh-round knockout batuk kay Luke Campbell sang Great Britain.

Gani mas nagka-interes ini nga hangkaton si Pacquiao nga ginakabig sini idolo sa patag sang boxing.

Luyag ni Garcia nga mangin kabahin sang boxing career sang Pinoy champion antes ini magretiro.

Yara sa lightweight division si Garcia samtang yara sa bantamweight class naman si Pacquiao.

Nahibaluan nga nagapanguna sa listahan si Ultimate Fighting Championship superstar Conor McGregor nga ginalauman nga makasambuwa ni Pacquiao subong nga tuig sa Middle East.

Facebook Comments

bomboradyo