ILOILO CITY – Wala nagakaon kag wala nagatulog ang babaye nga naghikog patay sa Barangay Rizal Estanzuela, Iloilo City Proper.

Ini ang na obserbahan sang mga boardmate ni alyas Judy pila ka adlaw antes pa man ini maghikog.

Sa interview sang Bombo Radyo kay alyas George, boardmate sang biktima, iya ginpahayag nga lima ka adlaw antes naghikog si alyas Judy, na obserbahan nila nga masami ini nga nagakasubo kag wala sang gana.

Suno kay George, makapila ka beses nila nga gintuktok ang pwertahan ni alyas Judy apang wala ini nagasabat.

Sa amo nga tion, naga video call ang mga boardmate ni alyas Judy kag nobya sini.

Ang biktima ang isa ka tomboy.

Luyag kuntani nga maistorya sang nobya si alyas Judy rason nga makapila sila ka beses nga nanuktok.

Ang nobya sang biktima ang nagatrabaho sa luwas sa pungsod.

Bangud wala nagasabat ang biktima, ila ini nga ginlantaw sa bintana kag nakit-an na lamang si alyas Judy nga nakahigot na sa liog gamit ang paha.

Ang paha ang ginlansang sa likod sang pwertahan sa hulot sang biktima.

Gin-athag man sang mga boardmate nga wala sang kamatuoran nga naghikog ang biktima bangud naga-away sila sang iya nga nobya.

Facebook Comments

bomboradyo