Nagakahangawa ang Infrastructure Development Committee sa waiting shed nga ginpatukod sa Diversion Road sa distrito sang Mandurriao, Iloilo City nga mahimo tunaan sang aksidente sang mga tawo.

Sa interview sang Bombo Radyo kay Engineer Nilo Jardeleza, iya ginpahayag nga indi safe sa mga nagabisekta kag sa mga waiting public ang ginpahamtangan sang waiting shed bangud malayo ini sa ginapondohan sang salakyan kag ginalabayan pa sang mga bikers.

May posibilidad nga kun nagadali ang pasahero sa pagsakay sang jeep, mabunggo-an gid ini sang bisekleta nga nagalabay man sa diin nakatukod ang waiting shed.

Suno kay Jardeleza, nagsulat na siya kay Iloilo City Mayor Jerry Treñas bilang tiglawas sang pribado nga sektor sa ginaduso niya nga solusyon sa problema.

Kinahanglan pahayag niya nga convenient kag safe ang waiting shed para sa publiko, gani, suhestyon niya amo nga idugon ukon palapiton sa gutter ang waiting shed agud nga mangin matalunsay ang pagginawi sang mga nagahulat sang jeep kag sang mga nagabisekleta.

Facebook Comments

bomboradyo