Mahilig ka bala magkaon sang karne?

Bangud sina, ginahangkat ikaw sang isa ka food company nga magkaon sang… utan!

Indi lang sa isa ka adlaw ha kundi sa sulod sang tatlo ka bulan nga lunsay utan lang ang imo kaunon.

Kun imo masarangan, aba may yara man sang premyo nga ihatag ang ini nga kompaniya sa imo.

Magabaton ka man lang sang balor nga $68,000 ukon masobra sa P3 million.

Ang mapili-an nga tawo nga magabaton sang amo nga challenge ang kinahanglan lang nga magpirma sang kontrata kag mag-promisa nga indi ini magkaon sang ano man nga pagkaon sa sulod sang tatlo ka bulan magluwas sa utan.

Suno kay Ian Burke-Hamilton, founder sang Vibrant Vegan sa United Kingdom, ang ini nga pamaagi ang agud nga mag-ganyat sa mga tawo nga magkaon sang utan kag ini ang dapat nga i-enjoy sang tanan.

Ini bangud natukiban sang kompaniya sa ila pagpatigayon sang pagpanalawsaw nga sa 100%, 34% lang sa mga respondents ang nagpahayag nga sila ang palakaon sang utan.

Gin-ako man ni Hamilton nga indi mahapos ang vegan diet sa isa ka meat-eater ukon sa mga palakaon sang karne.

Apang kun madesisyonan mo nga magpabilin nga vegan sa sulod sang 2021 apisar nga natapos mo na ang kontrata sa sulod sang tatlo ka bulan, handa ang Vibrant Vegan nga mag supply sang imo vegan meals tubtob sa ulihe.

Facebook Comments

bomboradyo