Kun binag-binagon mo, mahambal mo bala kun ano ang masarangan mo nga himuon para sa imo nga kahagugma kag sa ngalan sang imo pagtuo?

Sa Bindura, Zimbabwe, may isa ka lalaki nga Youth Leader sang ila simbahan kag luyag testingan ang kaalwan sang Diyos pinaagi sa pagfasting ukon indi pagkaon sa sulod sang 40 ka-adlaw.

Siya amo Mark Muradzira, 27 anyos kag unemployed ukon wala sang trabaho.

Sang ginpangayuan si Muradzira sang iya girlfriend sang dream car sini nga Lamborghini, tuman ang iya kadismaya bangud indi niya masarangan ang balor sini ilabi pa nga wala man siya sang trabaho.

Bangud kumbinsido si Muradzira nga sabton sang Diyos ang iya pangamuyo nga hatagan siya sang sports car nga Lamborghini, nagdesisyon siya nga magfasting sa sulod sang 40 ka-adlaw.

Diri kag gin-isolate niya ang iya kaugalingon sa isa ka maligwin nga kagulangan agud makalikaw sa temptasyon sang pagkaon.

Sa masubo nga palad, napaslawan si Muradzira sa iya nga plano bangud sa iya ika-33 nga adlaw sang pagfasting, nasapwan na lamang siya sang iya mga abyan nga nagapanghina na kag halos mabawian sang kabuhi.

Gilayon man nga gindala ang lalaki sa ospital agud madapatan sang pagbulong.

Masubo naman nga ginpahayag ni Bishop Mawuru, church leader ni Muradzira, nga kuntani nagfasting nalang ini agud makaangkon sang trabaho kag indi para magpangayo sang Lamborghini.

Facebook Comments

bomboradyo