Isa ka bala sa mahilig magpalaba sang imo buhok, kaangay ni Rapunzel?

May mga tawo nga tinuig pa antes makapagunting sang ila nga buhok.

Apang suno sa mga eksperto, ang tuman nga pagpalaba sang buhok ang makahatag sang negatibo nga resulta sa ikaayong lawas.

Suno kay Dr. Cynthia Cobb, nurse practitioner in women’s health, aesthetics and cosmetics, kag skin care sa Estados Unidos, nagakadapat nga kada duha tubtob apat ka bulan, gina-trim ang mga buhok agud nga malikawan ang breakage ukon split ends nga nagaresulta sa pagkaguba sang buhok.

Isa man suno kay Cobb sa ginahalinan sang stress hormones amo ang ”frustration” ilabi na kun wala sang kumpyansa ang isa ka indibidwal sa iya nga hairstyle kag masami ini nga nagakadugayan kag nabudlayan sa paghusay sang malaba nga buhok.

-- Web Ads --

Ini ang rason pahayag ni Cobb kun ngaa nagakadapat tipigan sang maayo ang buhok bangud dako ang epekto sini sa emosyonal kag pisikal nga aspeto sang isa ka indibidwal.

Dugang pa sang doktor, mas healthy ang tubo sang mga buhok kun regular ini nga ginapaguntingan.

Naga-release man ang lawas sang mga “feel-good” hormone, kaangay sang dopamine kag serotonin nga nagapasanyog sang mood kag motor system function kun kuntento ang isa ka indibidwal sa iya nga ”looks” kag hairstyle.

Facebook Comments

bomboradyo