Indi pa tapos ang hampang para kay Pinoy Wheelchair racer Jerrold Mangliwan matapos na-disqualify sa men’s 400m T52 final round sa Tokyo 2020 Paralympics.

Sa exclusive interview sang Bombo Radyo kay national para athletic coach Joel Deriada, iya ginpahayag nga apisar na-disqualify, wala nadula ang pagka-bilib niya kay Mangliwan bangud na-break sini ang iya nga rekord sa oras nga 1 minute and .80 seconds kag nangin fifth best sa hampang.

Suno sa coach, sa 13 ka atleta, dako na nga bugal nga nangin ika-lima si Mangliwan apisar na-disqualify ini.

Matandaan nga nalapas sang nasambit nga para-athlete ang Rule 18.5 sang World Para Athletics nga nakasaad nga indi pwede makaguwa sa ila nga respective lanes ang mga atleta kun mag-overtake sa ila nga kasumpong sa karera.

Sa pihak sini, buhi pa ang paglaom bangud magahampang pa si Mangliwan karon sa gab-i las 8:45 sa 1500m T52 kag kun mag-qualify, magahampang siya sa men’s 100m T52 sa Septyembre 2.

-- Web Ads --

Facebook Comments

bomboradyo