Wala untat ang daludo sang tubig-baha sa bahin sang Iloilo Terminal Market ukon Super kag Rizal Pala Pala 1, Iloilo City Proper.

Sa interview sang Bombo Radyo kay Barangay Kagawad Milagros Coralde, iya ginpahayag nga humalin sang Lunes tubtob subong nga adlaw, padayon ang pagtaob sang baybayon sa ila lugar sa diin tuman ka baskog ang mga pagbalod nga ginatunaan sang pagbaha.

Suno kay Coralde, madamo sang mga balay ang ginasulod sang tubig-baha sa diin ginapakamaayo na lamang sang iban nga magtinir sa ikaduha nga panalgan sang balay.

Gina-abisuhan man ang mga kabataan nga indi magtusmaw sa tubig-baha bangud delikado ang balatian nga Leptospirosis nga nagahalin sa higko sang ilaga.

Ginapahayag nga may yara na sang mga nagkalaguba nga balay sa Rizal Pala Pala 1, Iloilo City Proper bangud sa habagat.

Facebook Comments

bomboradyo