ILOILO CITY- Nagapakitluoy ang drivers sang mga pampubliko nga salakyan nga indi lang pagdayunon sang gobyerno ang plano nga pagpaidalom sa Iloilo City kag Iloilo Province sa Enhanced Community Quarantine (ECQ) status.

Sa interview sang Bombo Radyo kay Joan Dioso, driver sang van nga may ruta Iloilo City- Estancia and vice versa, iya ginpahayag nga sang ginpatuman ang ECQ sang nagligad nga tuig, nagutman gid ang iya pamilya bangud nadulaan siya sang palangabuhian.

JOAN DIOSO

Suno kay Dioso, bilang isa ka amay sang apat ka kabataan, indi na niya luyag nga maeksperyensiyahan ang natabo sang una.

Pahayag niya, pat-od nga tanan nga drivers kaangay niya ang magaantos kag mamigado pa gid kon dayunon ang pagpatuman sang ECQ.

Facebook Comments

bomboradyo