Kritikal ang mangin suporta sang multilateral institutions agud nga ma-engganyo man ang pribado nga mga sektor nga magsuporta sa clean energy transition projects sa Pilipinas.

Pahayag ini Finance Secretary Carlos G. Dominguez III kasunod sang pagkomiter sang Pilipinas nga maggamit na sang clean energy kag dulaon na ang coal sa electricity generation sa bug-os nga kalibutan.

Sa ginapatigayon nga COP26 ukon ang latest UN climate change summit sa Glasgow, Scottland, masobra 190 ka mga pungsod kag organisasyon ang nagkasugot nga i-phase out na ang coal sa dalagku kag gamhanan nga mga pungsod sa 2030s, kag sa nabilin nga bahin sang kalibutan sa 2040s.

PHOTO: GREENPEACE

Suno naman kay Dominguez, kun magbuligay ang multilateral agencies, mahatagan sang kumpyansa ang private investors nga maglikop sang pondo para sa programa sang pungsod agud nga maka-shift na sa clean energy.

Ginpahayag ni Dominguez nga crucial ang papel sang mga institusyon kaangay sang World Bank, Asian Development Bank (ADB), kag Asian Investment Infrastructure Bank (AIIB) agud mabuksan ang ganhaan para sa pribado nga sektor nga mag-amot man para sa himuon nga actual projects.

-- Web Ads --

Facebook Comments

bomboradyo