GUIMARAS – Ginpatuman na sang Guimaras Provincial Government ang temporaryo nga pagsuspende sang tour sang mga dumuluong nga halin sa Wuhan, China.

Sa Executive Order nga ginpaguwa ni Gov. Samuel Gumarin, nakasaad nga ginadumili-an ang pag-tour sang mga turista nga halin Wuhan, China lakip man ang mga dumuluong nga wala sang clearance halin sa Department of Health – Bureau of Quarantine.

Lakip sa mga rason nga ginplastar ni Gov. Gumarin amo ang posibilidad nga maapektuhan ang inhabitants kag agri-eco tourism industry sang Guimaras kun makasulod sa isla ang infected person ilabi na nga may persons under investigation na sa Western Visayas.

Isa man sa mga rason amo ang kahangawa nga dala sang 38 anyos nga babayi nga Chinese National nga nagpositibo sa Novel Coronavirus matapos nakumpirma sang Victorian Infectious Disease Reference Laboratory sa Melbourne, Australia ang laboratory test.

Magluwas diri, gindeklarar man sang World Health Organization sa Geneva nga isa na ka public health emergency of international concern ang Novel Coronavirus.

Santo sa data sang World Health Organization, naglab-ot na sa masobra sa 170 ang patay, 82 ka kaso ang na record halin sa 18 ka pungsod kag mas nagadamo pa ang infected persons.

Facebook Comments

bomboradyo