Magapasundayag na sa Paralympic Games subong nga adlaw, Agusto 26, ang Team Pilipinas sa Tokyo 2020 Paralympics.

Magapanguna sa paghampang ang para-swimmer nga si Gary Adornado Bejino sa 200m individual medley T52 event (las 8:32 a.m. Manila time) kag (las 4:22 p.m.) para sa finals kun mag-qualify ang bugal sang Albay, Bicol.

Sa exclusive interview sang Bombo Radyo sa 25 anyos nga si Bejino, iya ginpahayag nga handa na siya kag focused ilabi na nga siya ang pinakauna nga maga-compete para sa Pilipinas.

Apisar wala sang tuo nga kamot kag wala nga tiil matapos na-aksidente sang pito siya ka-tuig, nagalaom si Bejino nga mangin madinalag-on sa iya debut competition.

Nahibaluan nga nangin back-to-back gold medalist si Bejino sa ASEAN Para Games sang 2015 sa punsod Singapore kag sa Malaysia sang 2017.

-- Web Ads --

Facebook Comments

bomboradyo