Photo (CTTO)

ILOILO – Apektado ang swine industry sa probinsya sang Iloilo bangud sa African Swine Fever sa Luzon.

Sa interview sang Bombo Radyo kay Dr. Ildefonso Toledo, Provincial Agriculturist, iya ginpahayag nga sa subong, naghina ang negosyo sang baboy bangud man sa African Swine Fever.

Suno kay Toledo, bisan pa nga may yara sang gintukod nga Task Force on African Swine Fever si Iloilo Governor Arthur Defensor Jr., apang indi man sa gihapon madula ang kahangawa sang publiko.

Sila sa Provincial Agricultures Office suno kay Toledo ang magabulig sa nasambit nga Task Force sa pag-monitor agud nga indi makalab-ot sa Iloilo ang nasambit nga balati-an.

Kun animal health naman ang pagahambalan, ang Provincial Veterinary Office suno kay Toledo ang nakatuon diri samtang ang Provincial Agricultures Office naman ang nakatuon sa pag-inventory sang meat production.

-- Web Ads --
Dr. Ildefonso Toledo, Provincial Agriculturist

Facebook Comments

bomboradyo