Nagdangat sa 196,000 ka mga miyembro sang Social Security System (SSS) ang nakabaton sang kabug-usan nga P2.62 billion nga unemployment benefits.

Suno sa Department of Finance (DOF), kalabanan sa sini nga unemployment benefits ang gin-release sa tunga sang COVID-19 pandemic.

Halin sang Marso 2020 tubtob sang Hunyo 2021, ninety percent ukon P2.35 billion nga cash grant ang ginpagwa sa idalom sang SSS Unemployment Insurance Benefit (UIB).

Ini ang kasunod sang mga hitabo kun sa diin madamo nga mga empleyado ang temporaryo ukon permanente nga nadulaan sang trabaho kadungan sang pagpatuman sang istrikto nga quarantine measures. #

Facebook Comments

bomboradyo