ILOILO CITY- Nagserbi nga ehemplo sa iya kaangay nga pamatan-on ang isa ka successful blood donor sa Dugong Bombo 2021 sa Calinog, Iloilo.

Sa interview sang Bombo Radyo kay Justin Pulohanan, Sangguniang kabataan Chairman sang Cabugao, Calinog, Iloilo, iya ginpahayag nga naghatag gid siya sang iya tiempo agud magdonar sang dugo sa Dugong Bombo.

Suno sa iya, tuman ka importante ang dugo subong kag malipayon siya nga nangin instrumento agud makasugpon sa kabuhi sang iban.

Pahayag pa niya, ini ang iya pamaagi agud mapakita man sa kaangay niya nga pamatan-on nga may sarang sila mahimo para sa isigkatawo.

Ang Dugong Bombo ang natigayon sa pagbuligay sang Bombo Radyo Iloilo, Local Government Unit sang Calinog kag Philippine Red Cross.

Facebook Comments

bomboradyo