Ginbatuan ni gymnastics superstar Simone Biles ang iya kahadlok paagi sa pagbalik sa kumpetisyon sa Tokyo Olympics apang napaslawan siya nga makuha ang Gold Medal sa balance beam competition.

Nagpangatlo si Biles sa kumpetisyon matapos nga ginpierde siya nanday Guan Chenchen (14.633) kag Tang Xijing (14.233), gymnasts nga lunsay halin sa China.

Si Biles, ginakabig sang kadam-an bilang world’s best gymnast, ang nakascore sang 14.000.

“It’s been a very long week, it’s been a very long five years,” pahayag ni Biles sa gymnastics center pagkatapos sang event. Pahayag niya, wala man siya naglaum nga makaangkon sang medalya sa kumpetisyon. “I just wanted to go out there and do this for me, and that’s exactly what I did.”

Nangin mainit ang pangalan ni Biles sang nagligad nga semana bangud nag-withdraw siya sang team gymnastics final.

Mental health concern kag physical safety ang ginpasulabi ni Biles rason nga nag-withdraw siya sa event.

Adlaw-adlaw ang pag-check sang medical professionals kay Biles. May duha pa ka sessions si Biles upod ang sports psychologist samtang yara siya sa Tokyo.

Ginbuyagyag man ni Biles nga napatay ang iya nga tiya kag nabudlayan siya bangud sa natabo.

Una naman nga ginpahayag ni Biles nga nagsuprer siya sa twisties — ang sensation nga naga-develop sa gymnasts nga posible makapadula sang ila sense of control samtang yara sa hangin.#

Facebook Comments

bomboradyo