ILOILO CITY- Nagpatigayon sang vaccination simulation exercise ang Iloilo City Government bilang preparasyon sa vaccination program batok sa COVID-19.

Ini ang ginhiwat sa Central Philippine University gymnasium kag football field sa Jaro, Iloilo City.

Sa interview sang Bombo Radyo kay Jeck Conlu,spokesperson sang COVID-19 team sang syudad, iya ginpahayag nga 500 ka tawo ang nagpakigbahin sa simulation lakip na ang 100 nga nagbaton sang ordinary flu vaccines agud makit-an ang posible nga scenario sang actual inoculation sa tion nga mag-abot na ang bakuna sa syudad.

Hugot naman nga ginpatuman ang health protocols sa nasambit nga simulation exercise.

Nahibaluan nga una nga tublukan sang bakuna sang AstraZeneca ang mga frontliners kag ginasundan sang vulnerable sectors.

Facebook Comments

bomboradyo