ILOILO CITY- Naeksperyensiyahan mo na bala nga mangin rason ikaw sang pagpugok sang trapiko?

Indi bala makahuluya kon halimbawa magub-an ikaw sang salakyan sa tunga sang dalan kag bangud sa imo, naapektuhan ang trapiko bisan sa sulod lang sang pila ka oras?

Apang kon may ara man sang kabalan kon pagtuga sang huol sa mga motorista ang pagahambalan, ini na siguro ang lalaki sa England nga ginbansagan nga “Silent Man” nga nangin rason sang trapiko sa iya lugar sa sulod na sang pito ka tuig.

Ini amo sa David Hampson sang Swansea City.

Sa sulod sang pito ka tuig, blessing na nga makabig para sa mga motorista ang isa ka adlaw nga wala siya sa tunga sang dalan.

Ginahimo niya ini humalin pa sang 2014.

Indi man siya buang apang kun pamangkuton siya kon ngaa ginahimo niya ini,wala siya sang sabat, rason nga Silent Man siya gani.

Makatilingala man nga sa pareho nga spot sang dalan siya nagatindog adlaw-adlaw.

Sang 2018, si Hampson ang ginkasuhan kag nasentensiyahan sang tatlo ka tuig nga pagkapreso bangod sa pagtuga sang huol sa dalan sa atubang mismo sa Swansea Central Police Station.

Wala sang pulis ukon sin- o man ang nakapasabat sa iya agud magpaathag kon ngaa ginahimo niya ini.

Sang damlag lang sa isa ka hearing, napamatud-an sang huwes nga makahambal man si David apang indi lang gid niya luyag nga maghambal.

Natalana naman siya nga basahan sang sentensiya sa Agusto 31 bangod sa pareho man nga kaso.

Facebook Comments

bomboradyo