ILOILO CITY- Ginpatpat sang isa ka opposition senator ang pila ka mga rason kon ngaa kinahanglan nga imbestigaran sang maid-id ang pagduso sang gobyerno nga pag-procure sang Sinovac vaccine sang China.

Sa interview sang Bombo Radyo kay Senate Minority Leader Franklin Drilon, iya ginpahayag nga makaduluda kon ngaa nagapamalibad ang gobyerno nga isapubliko ang presyo sang bakuna bangod sa confidentiality.

A signage of Sinovac Biotech Ltd is seen at the 2020 China International Fair for Trade in Services (CIFTIS), following the COVID-19 outbreak, in Beijing, China September 5, 2020. REUTERS/Tingshu Wang

Suno sa Ilonggo senator, maathag sa konstitusyon nga kinahanglan nga may yara sang transparency sa tanan nga transaksyon sang gobyerno bangod kinamatarong sang mga Pilipino nga mahibaluan ini.

Dugang pa ni Drilon, importante man nga ipaathag sang gobyerno kon ngaa ginaduso sini ang Sinovac apisar nga wala pa ini mausar sa iban nga pungsod kag wala man gani ini nahatagan sang emergency use authority.

Una na nga gindeny ni vaccine czar Carlito Galvez Jr ang mga online posts nga ang Sinovac vaccine ang nagabalor sang P3,600, mas mataas sa P652 nga procurement cost nga ginhatag sa Indonesian Government sa diin nagpasalig ang vaccine czar nga indi man maglayo ang presyo sang Sinovac vaccine sang Indonesia sa Pilipinas.

Facebook Comments

bomboradyo