Russian Embassy sa Madrid, Spain, ginprotestahan sang Ukrainian supporters

Naka-alerto ang mga kapulisan kag katapo sang militar sa Espanya kasunod sang pagdagsa sang protesters sa Russian Embassy sa Madrid matapos ginsalakay sang Russia ang Ukraine.

Suno kay Bombo International Correspondent Jean Bornales, hugot na nga ginabantayan sang mga otoridad ang palibot sang Russian Embassy sa Madrid kasunod sang ‘anti-war actions’ nga ginpatigayon sang Ukrainian supporters.

Sang amo nga tion, may pila man ka Ukrainian residents nga naga-istar sa Madrid nga nag-protesta sa atubang sang Russian Embassy, kag nag-sininggitan pa sang pagpamatok kay Russian President Vladimir Putin.

Nahibaluan nga hugot nga ginkondena sang gobyerno sang Espanya ang Russian military invasion sa Ukraine.