Bangud sa paghigugma apisar daw leon pa kun kaisa ang batasan sang imo partner, masarangan mo sa gihapon nga updon ini sa isa ka balay.

Apang sa Penza, Russia, may magkahagugma nga may kaupod nga literal nga Leon nga ila nangin madugay na nga hinuptanan kag kaupod sa sulod sang ila balay.

Ang couple amo sanday Aleksandr kag Maria Dmitriev, lunsay trained psychologist kag ang ila hinuptanan nga Leon ang ila ginpangalanan nga Messi.

Si Messi ang tatlo ka-tuig nga cougar, ang ginakabig second-largest feline sa pamilya sang mga kuring.

Ang nasambit nga cougar ang ginakabig nga predator sa mga kagulangan apang si Messi ang nagdako sa isa ka petting zoo bilang house cat kag nagabehave nga daw kaangay sang overgrown nga kuring.

Si Messi sadto ang may seryoso nga pagkinahanglan sang medical attention sa petting zoo kag sang madiskubrehan ini sang couple, nagdesisyon sila nga baklon ang baby nga mountain lion agud sagudon kag bunglon.

Gin-ako sang couple nga nangin tuman ka positibo ang nangin epekto ni Messi sa ila nga kabuhi apang madamo man sila sang mga pagpanghangkat nga gin-atubang kaupod ang hinuptanan.

Ang leon ang nagakadapat hatagan sang madamo nga atensyon sa diin halos indi makabakasyon ang couple ukon makabonding kaupod ang ila mga abyan.

Nagadangat naman sa kapin P30,000 ang magasto nanday Aleksandr kag Maria para sa pagkaon nga karne ni Messi kada bulan.

Ang mountain lion nga si Messi ang ginakabig isa sa mga pet nga nangin online celebrity sa social media sa diin nagsaka sa 1.5 million ang followers sini sa Instagram kag may 1.8 million subscribers naman sa YouTube.

Facebook Comments

bomboradyo