Nagpahanumdom ang Regional Inter-Agency Task Force may kaangtanan sa istrikto kag updated nga pagsulundan nagikan sa Land Transportation Franchising and Regulatory Board (LTFRB) sa pagsakay sa Public Utility Vehicles (PUVs) sa syudad sang Iloilo nga yara sa Modified General Community Quarantine (MGCQ) classification.

Sa interview sang Bombo Radyo kay Ma. Aletha Nogra, spokesperson sang Regional Inter-Agency Task Force, iya ginpahayag nga nagpatigayon sila sang pagsinapol kaupod ang LTFRB.

Suno kay Nogra, santo sa memorandum circular 2020-061 nga ginpaggwa sang LTFRB, nasaad ang pila ka mga health protocol nga kinahanglan sundon sang publiko sa pagsakay sa pampubliko nga salakyan agud malikawan ang COVID-19.

Ini amo ang mga masunod:

  • Kinahanglan may plastic barriers sa tunga sang mga pasahero;
  • Magsuksok sang nagakaigo nga face mask kag face shield;
  • Ginadumilian ang paghambal ukon pagasabat sa telepono;
  • Ginadumilian ang pagkaon;
  • Ma-obserba sang nagakaigo nga physical distancing sa tanan nga tion;
  • Kinahanglan sang bastante nga ventilation;
  • Kinahanglan sang frequent disinfection;
  • Ginadumilian ang pagsakay sang symptomatic passenger;
  • Kinahanglan magsunod sa appropriate physical distancing

Facebook Comments

bomboradyo