ILOILO CITY- Pilason ang duha ka mga tawo matapos ginluthang sang isa ka retired army sa Barangay San Antonio, Cuartero, Capiz.

Ginkilala ang mga biktima nga sanday Jason Denosta, 42 anyos kag Maria Baladhay, 38 anyos nga lunsay mga residente sang nasambit nga lugar.

Base sa imbestigasyon sang Cuartero Municipal Police Station, samtang nagaistorya ang duha ka mga biktima sa puluy-an ni Denosta sang nag-abot ang suspek nga si Juan Dayo Dordas, 63 anyos kag isa ka retirado nga miyembro sang Philippine Army kag residente man sang amo nga lugar.

Ginapahayag nga may yara sang natabo nga komosyon sa tunga nanday Denosta kag Dordas tubtob nga ginluthang sini ang biktima gamit ang .45 calibre nga armas- luthang.

Nag-angkon sang igo sa tiil ang mga biktima samtang madasig naman nga nagpalagyo ang suspek.

-- Web Ads --

Ginapatihan nga daan nga hiligut-anon ang rason sang pagpangluthang sang retired army.

Nagapadayon pa ang imbestigasyon samtang ginabulong naman sa ospital ang mga biktima.

Facebook Comments

bomboradyo