ILOILO – Nagalaom ang pila ka mga myembro sang Partido Demokratiko Pilipino–Lakas ng Bayan (PDP-Laban) nga mahitso na ang indi pag-intindihanay sang duha ka faction.

Nahibaluan nga ang duha ka factionang ginapamunuan ni Energy Sec. Alfonso Cusi kag ang original party naman ang ginapamunuan ni Sen. Aquilino ‘Koko’ Pimentel III.

Sa interview sang Bombo Radyo kay Iloilo 3rd District Rep. Lorenz Defensor, iya ginpahayag nga sa subong kumplikado pa ang sitwasyon sang ila partido bangud sa indi pag-intindihanay sang duha ka faction.

Ini man ang isa sa mga rason ni Defensor sa indi niya pagtambong sa national convention sang PDP-Laban sa diin ginproklamar si Sen. Bong Go bilang presidential candidate kag si Presidente Rodrigo Duterte naman bilang vice presidential candidate sa 2022 elections sa idalom sang PDP-Laban Cusi Faction.

Suno kay Defensor, luyag niya anay nga kuhaon ang pulso sang iya mga kasimanwa antes pormal nga magdesisyon kun sin-o ang ila suportahan sa national elections.

Nagpanugyan man ini sa kaangay nga mga politiko ilabi na sa ruling party nga likawan ang pagsaylo-saylo sang partido.

Mas maayo suno sa mamalidha nga hulaton na lang ang pormal nga pag-file sang certificate of candidacy (COC) sang ila mga mangin standard bearer sa diin diri mahibaluan kun sin-o ang iya nga suportahan.

Facebook Comments

bomboradyo