Antes ipasa ang Miss Universe Philippines crown sa iya successor, ginbalikan sang Ilongga beauty queen nga si Rabiya Mateo ang pinakamasakit nga tinaga nga iya nabatian gikan sa iya bashers.

Suno kay Rabiya, sang nadag-an niya ang korona sang nagligad nga tuig, gintawag siya nga ‘kabit’.

“Dark horse ako noon, wala akong kapanga-pangalan, galing sa probinsya. Yung narinig kong issue is, ‘Ah, kabit ‘yan kaya nanalo ‘yan’. That was nasty,” pahayag ni Rabiya.

Unfair ini para sa nasambit nga biracial beauty bangud suno sa iya, tanan nga iya naangkon, ginpangabudlayan niya.

“Isa akong babae kung saan lahat ng meron ako, pinaghihirapan ko.”

Ginpahayag ni Rabiya nga sa tanan nga masakit nga iya naagyan, ang iloy niya ang iya nga ginadalaganan.

Nakuha ni Rabiya ang Miss Universe Philippines crown sang October 2020, kag nalakip siya sa Top 21 sa 69th Miss Universe pageant sang Mayo.

Facebook Comments

bomboradyo