Ginmanduan ni Presidente Rodrigo Duterte ang local government units nga pangitaon ang mga indibidwal nga wala pa nakakuha sang ila second COVID-19 vaccine dose.

Suno kay Pres. Duterte, tuman ka toxic ang COVID-19 sa diin mahimo ini liwat nga maka-contaminate kun pabuyan-buyanan lang sang tawo ang ila ika-duha nga bakuna.

Liwat naman nga nagapanawagan ang presidente nga sundon ang minimum health standards bangud ang bakuna ang nagadugang sang proteksyon.

Pahayag sang presidente, apisar nga makaprotekta sa tawo ang bakuna, indi ini buot silingon nga indi kana matapikan sang COVID-19.

Una na nga ginpahayag ni Department of Health Sec. Francisco Duque III nga ang pila ka mga vaccine recipients ang wala naka-avail sang ila second dose sa schedule mismo sang ila pagpabakuna bangud sa “personal matters” kag iban pa nga mga rason.

Santu sa data sang DOH, masobra 9% sa 113,000 ka mga indibidwal ang napaslawan nga magpabakuna para sa ila second dose.

Facebook Comments

bomboradyo