ILOILO CITY- Mas ginhugtan pa sang otoridad ang paghatag sang seguridad kag pagscreen sa mga tawo nga may papel sa inagurasyon ni US President-elect Joe Biden.

Ini matapos nga 12 ka U.S. Army National Guard members ang ginkakas gikan sa presidential inauguration security mission matapos matukiban nga may koneksyon ang mga ini sa right-wing militia groups.

Ang pagkakas sa ila sa security presence sa capital sang pungsod ang kasunod man sang tikang sang Federal Bureau of Investigation nga salaon ang tanan nga 25,000 National Guard troops bangud sa ginakabalak-an nga potential insider attack ukon pagpamahog gikan sa mga service members kasunod sang riot sa U.S. Capitol sang Enero 6 sa diin lima ang patay.

Suno kay Bombo International Correspondent Francis Catalan, sa subong, tuman ka makaalarma ang sitwasyon kasunod sang pagkadiskubre sa 12 ka National Guard members.

Matandaan nga ginpahugtan sang U.S. Secret Service ang seguridad sa palibot sang Capitol kag ginlockdown man ang sentro sang syudad sa diin may barikada kag ginkudalan ang mga dalanon kag linibo ka tropa kag law enforcement officers ang ginpahamtang sa palibot.

Una na nga ginpahayag ni Acting Defense Secretary Christopher Miller nga padayon ang pag-imbestigar sa tanan nga National Guard troops angot sa ginaalegar insider threat sa inagurasyon ni Biden.

Facebook Comments

bomboradyo