Nagpanawagan ang Philippine National Police (PNP) sa komunidad sang University of the Philippines nga mangin mas bukas sa realidad nga nagakatabo sa ila palibot ilabi na sa kahilwayan kag seguridad.

Ini matapos nagpaguwa ang PNP sang data nga ang Barangay UP Campus nga yara nahamtang sa UP Diliman ang ginakonsidera nga crime hotspot.

Sa statement, ginpahayag sang PNP Public Information Office nga ang Barangay UP Campus ang ika-20 sa peace and order indicator sang Quezon City.

Sang tinalikdan nga lima ka tuig, suno sa talatapan, kabug-usan nga 250 drug-related cases, 106 theft, 72 robbery, 36 physical injury, 21 rape, 14 murder, 23 carnapping kag duha ka mga complex crime cases sang robbery with homicide ang narekord sa Barangay UP Campus.

May yara man sang mga non-index crimes nga na rekord sa Barangay UP Campus, kaangay sang 72 ka mga illegal gambling, 21 ka mga malicious mischief, 43 ka VAWC (violence against women and children), 4 ka direct assault, 3 ka forcible abduction, 14 ka homicide, 5 ka acts of lasciviousness, 13 ka estafa, 43 ka child abuse, 11 ka public health violations, kag 2 ka obstruction of justice.

Ang barangay ang yara sa idalom sang hurisdiksyon sang UP Diliman Police.

Nagpangabay man si PNP PIO Chief Brigadier Gen. Ildebrandi Usana sa UP community nga mangin bukas kag magkooperar sa pulis.

Ang pagpaguwa sang data sang PNP ang kasunod sang unilateral abrogation sang Department of National Defense sa 1989 UP-DND Acord nga nagadumili sa mga pulis ukon militar nga magpatigayon sang operasyon sa sulod sang mga unibersidad nga wala sang pahanugot gikan sa school administration.

Facebook Comments

bomboradyo