ILOILO CITY- Nagaugtas ang mga personnel sang Iloilo City Police Office sa mga depampasahero nga salakyan nga halin sa kabanwahanan nga wala nagasunod sa ginapatuman nga protocol sa border control points sa Iloilo City.

Sa interview sang Bombo Radyo kay PLt. Isagani Tabares, team leader sang border control point sa Hibao-an Norte, Mandurriao, Iloilo City, iya ginpahayag nga kalabanan sa mga Public Utility Jeepneys(PUJ) ang wala nagapatuman sang one seat apart sa ila pasahero.

Suno kay Tabares, ini ang isa sa mayor nga rason kon ngaa delayed ang pagsulod sang mga salakyan sa syudad magluwas pa sa mga ginapangita nila nga dokumento sa mga pasahero.

Sa bahin naman sang mga nagaangkasanaay sa motorsiklo, ginatugutan ang mag-asawa sa kondisyon nga mapamatud-an nila nga sila ang kasado.

Ginadumilian naman nga mag-angkasanay ang “friends” lang.

Sa tricyle, ginatugutan ang isa ka pasahero sa atubang, isa sa likod, kag isa sa backride.

Facebook Comments

bomboradyo