Ginpaandaman ni Philippine National Police (PNP) Chief, Police General Guillermo Eleazar ang aktor nga si Jake Cuenca matapos nagtuyo kuntani nga malagyo sang mabunggo-an sini ang salakyan sang pulis kadungan sang natabo nga buy-bust operation sa Mandaluyong City.

Suno kay General Eleazar, ginasiguro niya nga manabat sa layi si Jake bangud sa pagpangbastos sini indi lang sa mga pulis kundi sa layi kag kadulaan sang disiplina sa kaugalingon.

Sa baylo nga mangayo sang pasaylo pahayag niya, naghimo pa sang eksena nga daw kaangay sa pelikula ang nasambit nga aktor.

Dapat kuntani dugang pa sang PNP chief, mangin maayo nga ehemplo sa publiko si Jake bangud madamo ang naga-idolo sa iya.

Una na nga ginpahayag ni Eastern Police District director Police Brigadier General Matthew Baccay nga nagapatigayon sang buy-bust operation ang mga otoridad sang naglabay ang salakyan nga ginamaneho ni Jake.

-- Web Ads --

Ginapahayag nga ginparahan sang mga pulis ang salakyan apang wala ini nag-untat nga nagresulta sang ila paglagsanay.

Nahibaluan nga gindepensahan man si Jake sang iya abyan nga actor nga si Paolo Avelino sa diin ginpahayag sini nga kun siya ang sa sitwasyon, malagyo man siya kun ginaluthang ang iya salakyan ukon mabato na lang ini.

Facebook Comments

bomboradyo