ILOILO CITY- Makabig nga impeachable offense kun dayunon ni Presidente Rodrigo Duterte ang iya pagpamahog nga i-withhold ang pag-release sang 2022 national budget matapos gin- akusahan niya ang mga mamalidha nga ginaplano nga iparalisa ang gobyerno paagi sa mas manubo nga alokasyon.

Ginhimo sang presidente ang amo nga pahayag sa tunga sang nagapadayon nga inquiry sang Senate Blue Ribbon Committee sa ginaalegar iregularidad sa multi-billion-peso purchase sang personal protective equipment sa pagsugod gid sang COVID-19 pandemic sang 2020.

Sa interview sang Bombo Radyo kay Atty. Joenar Pueblo, Constitutional Law Professor, iya ginpahayag nga responsibilidad sang presidente nga i- execute ang mga layi nga ginaubra sang kongreso kag ini ang nasaad sa konstitusyon.

Suno kay Pueblo, indi man madiktahan ni Presidente ang Department of Budget and Management (DBM) nga indi pag-release ang budget para sa tuig 2022.

Dugang niya, kun may problema ang presidente kun budget allocation para sa Office of the President ang istoryahan, mahimo nga sa korte ini magdangop apang indi niya mahimo punggan ang pag-execute sang layi nga ginhimo sang kongreso.

-- Web Ads --

Facebook Comments

bomboradyo