Ginbawian gid sang kabuhi ang isa ka Pinay nga nurse sa New York sa Estados Unidos matapos ginbungguan sang isa ka lalaki nga ginapahayag may problema sa paminsaron.

Sandig sa statement sang Philippine Consulate General sa New York, ang biktima amo si Maria Ambrocio, 58, nga nagapuyo sa Bayonne, New Jersey kag nagatrabaho bilang oncology nurse sa Bayonne Medical Center.

Nagbisita si Ambrocio sa Philippine Consulate General sang Biyernes sang hapon kag nagapauli na kaupod ang isa man ka Pinoy sang natabo ang insidente.

Ginapahayag nga sang amo nga tion, nagapalagyo ang suspek bangud nang-snatch man ini ang isa ka cellphone sa amo nga area.

Nabungguan sini si Ambrocio rason nga natumba gid ini, naigu ang iya ulo sa semento, kag nakaangkon sang head trauma. Pila ka oras ang nagligad, napatay ang biktima sa ospital.

-- Web Ads --

Ang suspek naman nga ginkilala nga si Jermaine Foster, 26, ang nadakpan man sang mga pulis kag nagapangatubang subong sang kaso nga assault kag robbery.

Ginapahayag nga ‘mentally disturbed homeless man’ ang suspek. #

Facebook Comments

bomboradyo