Kritikal ang kondisyon sang isa ka 19 anyos nga babaye matapos natiruhan sa ulo samtang nagapadayon ang lapnagon nga protesta batok sa military coup sa Myanmar.

Nagasuksok sang motorcycle helmet ang babaye kag hinali lang nga nag-collapse sang naigu sang live bullet ang iya nga ulo.

Protesters run after police fire warning-shots and use water cannons to disperse them during a protest in Mandalay, Myanmar on Tuesday, Feb. 9, 2021. Police cracked down Tuesday on the demonstrators protesting against Myanmar’s military takeover who took to the streets in defiance of new protest bans. (AP Photo)

Naigu man sang bala sa dughan ang isa ka lalaki apang nagpamalibad pa nga magkomento ang otoridad kun paano natabo ang insidente.

Sa subong, nagdangat na sa masobra isa ka gatos ka libo ka mga protesters ang naggwa sa mga dalanon sa Myanmar samtang nag-umpisa naman ang mga pulis sa pag-warning shot. Magluwas sa warning shots kag rubber bullets, nagagamit man ang mga pulis sang water cannon agud punggan ang mga nagaprotesta.

Sa Yangon ukon sa pinakadaku nga syudad sa Myanmar, ginapatigayon ang mga demonstrasyon sa headquarters sang formerly ruling National League for Democracy.

Bangud nagadamo ang mga tawo nga nagaprotesta, ginsirado sang mga pulis ang taytay apang sunod man nga ginpahanugutan ang pag-resume sang trapiko apang nag-umpisa naman sa pagsininggit ang mga tawo sang ‘WE WANT DEMOCRACY!’

Matandaan nga ginpatuman ang military coup sa amo nga pungsod matapos ginbasura sang militar ang resulta sang Nobyembre 2020 general eelction kun sa diin landslide win ang National League for Democracy kag pierde naman ang opposition party nga iya sang militar.

Facebook Comments

bomboradyo