Pila ka mga Filipino, ginpakamaayo nga magpabilin sa Kyiv, Ukraine sa tunga sang Russian invasion

Ginpamakaayo na lang sang pila ka mga Filipino nga magpabilin sa Kyiv, Ukraine sa tunga sang nagalala nga Russian invasion.

Suno kay Bombo International Correspondent April Atoc Voytenko, direkta sa Kyiv, Ukraine, kasubong nga na-stranded na sila sa ila mga balay bangud tuman ang pagpugok sang trapiko padulong sa exit sang nasambit nga lugar.

Gin-abisuhan naman ang tanan nga indi maggwa sa mga balay bangud tuman ka delikado ang nagalinupad nga debris kag bala sang armas-luthang.

May mga Russian man nga yara sa Ukraine kag na-ipit sa kinagamo.

Nahibaluan nga bisan ang alkalde sang Kyiv, nag-upod naman sa pagpakig-away batok sa Russian troops.

Pila na ka mga Ukrainian residents ang nagpangisog sa pagkapyot sang armas-luthang bisan wala sang training sa militar, agud sundon ang panawagan sang gobyerno nga magbulig sa pagpakigbato para sa Ukraine.