ILOILO CITY- Naglab-ot na sa tatlo ka mga tawo ang nadakpan sa sulod sang tatlo ka adlaw samtang nagahilapit ang inauguration day ni US President-elect Joe Biden.

Suno kay Bombo International Correspondent Athanasius Francis Catalan direkta sa Washington DC, isa ka armado nga lalaki nga taga-Virginia ang nadakpan nga may dala nga pusil nga wala sang lisensya kag nagahupot pa ini sang large capacity ammunition feeding device kag unregistered ammunition.

Antes sini, una na nga nadakpan ang isa ka babaye nga taga- Connecticut nga nagtuyo nga makasulod sa security checkpoint paagi sa pagpakuno-kuno nga law enforcement officer, kag may isa man nga taga-Virginia nga lalaki nga nagtuyo nga maglusot sa checkpoint nga may peke nga inaugural credentials kag nakuha sa iya ang isa ka pusil.

Pahayag ni Catalan, sa subong, mabatyagan ang tuman ka init nga tensyon sa palibot sang US Capitol sa diin yara ang presensya sang linibo nga mga national guards kag mangin ang Potomac River malapit sa Washington DC ang ginabantayan man sang US Coast Guard.

Facebook Comments

bomboradyo