ILOILO CITY – Lubog sa gihapon sa tubig baha ang pila ka mga syudad kag probinsya sa Western Visayas.

Ini ang kasunod sang pagbubu sang ulan sa nagakalain-lain nga bahin sang Rehiyon.

Lakip sa mga tuman nga naapektuhan amo ang 4th district ng Iloilo nga ginalakipan sang San Enrique kag Banate Iloilo.

May mga naanod man nga balay sa San Enrique, Iloilo sa diin nahamtang ini malapit sa talamnan.

Sa 5th district, lakip sa mga banwa nga nalubog sa baha amo ang mga banwa sang Barotac Viejo, San Rafael, Sara, Lemery, Ajuy, Batad kag San Dionisio, Iloilo.

Naguba man ang ginkaayo nga taytay sa Brgy. Latawan, Sara, Iloilo.

Mangin ang porsyon sang karsada sa Brgy. Calangag, Batad, Iloilo ang nahul-ab man bangud sa paghumok sang duta.

Mangin ang Passi City ang ginabahaan man sa diin mataas ang tubig sa Jalaur River.

Apektado man ang byahe padulong sa Capiz kag Aklan halin sa Iloilo matapos temporaryo nga ginpasirado ang karsada sa Barangay Sarapan, Passi City bangud mataas sa gihapon ang lebel sang tubig baha.

Mangin ang Roxas City ang nabahaan man sa diin atop na lang sang iban nga balay ang kitaon.

Facebook Comments

bomboradyo