Nagpaggwa sang statement ang isa ka opisyal sang Pharmally Pharmaceutical Corporation nga nagpalagyo sa arrest order sang Senado.

Suno kay Pharmally corporate secretary kag treasurer Mohit Dargani, sala ang mga panumbungon nga ginahaboy batok sa ila kag ginahimo ini sa ila para sa political gain.

Napaslawan man suno sa iya ang Senate blue ribbon committee nga tratuhon sila sang patas kag ”justly.”

“Rather than impartially listening to us, they tried to get us to incriminate ourselves. They want us detained because we asserted our rights, they can’t get what they want to hear from us,” pahayag ni Dargani.

“We are being falsely accused for political gain. Malapit na eleksyon and we are like hostages. Hindi na para sa bayan. But for their political survival,” dugang pa niya.

-- Web Ads --

Gindepensahan man ni Dargani si Presidente Rodrigo Duterte sa diin ginpahayag niya nga wala sang kahilabtanan ang presidente sa ila nga transaksyon sa Department of Budget and Management-Procurement Service.

“Walang kinalaman ang Presidente sa transactions namin with PS-DBM.”

Gin-athag sang Pharmally official nga nagkooperar sila sa mga senador sa imbestigasyon apisar wala sila nakapasa sang mga dokumento nga may subpoena.

“They treat us like criminals whose lives aren’t worthy of living anymore. We tried our best to cooperate and respect them, but this was completely out of harmony with accepted legal standards,”

Samtang, ginbalabagan naman ni Senate President Vicente Sotto III ang pahayag ni Dargani angot sa nangin kooperasyon sang Pharmally sa imbestigasyon.

Suno kay Sotto, ang matuod nga kooperasyon sa Senado amo ang pagpasa sang mga dokumento nga ginapangayo sang mga senador.

“To cooperate in the Senate means they should submit the documents subject of subpoena duces tecum or as asked by a senator. I suggest they read the [Philippine] Constitution!” pahayag ni Sotto.

Una na gin-athag sang National Privacy Commission (NPC) nga ang data privacy laws ang indi dapat pag gamiton nga balibad agud magpalagyo sa legal investigations.

Suno kay NPC Commissioner Raymund Enriquez Liboro, ang Data Privacy Act of 2012 ang wala nagadumili sa disclosure sang personal ukon sensitibo nga mga personal nga impormasyon sa katuyuan nga ma-comply ang valid issued nga subpoenas.

Nahibaluan nga sang Myerkules, Oktubre 20, nagpalagyo ang mag-utod nga Mohit kag Twinkle Dargani matapos gin-isyuhan sang arrest orders sang Senate blue ribbon committee.

Facebook Comments

bomboradyo