Gin-aresto sang Senate security personnel ang mag-utod nga Pharmally Pharmaceutical executives nga sanday Mohit kag Twinkle Dargani sa Davao City International Airport.

Suno kay Senate Sergeant-At-Arms Rene Samonte, tuyo sang Dargani siblings nga magsakay sa chartered plane padulong sa Kuala Lumpur, Malaysia apang natigayon nga ma-intercept sang Senate security team sa amo nga airport.

Gin-detain ang mag-utod sa Senate building.

Kun matandaan, Oktubre 19 sang gin-cite in contempt sang mga senador ang duha bangud sa ila pagpamalibad nga magsumite sang subpoenaed financial documents kaangot sa imbestigasyon sang Senate Blue Ribbon Committee sa gina-alegar iregularidad sa pagbakal sang gobyerno sang pandemic response supplies.

Una na nga napalpak ang Senate security personnel nga maaresto ang mag-utod sa ila tatlo ka condominium units sa Taguig kag San Juan.

-- Web Ads --

Si Mohit amo ang corporate secretary sang Pharmally nga amo ang nagauyat sang financial statements sang kumpaniya samtang si Twinkle naman ang company president.

Padayon subong ang pag-imbestigar sang Senado sa deal sang Pharmally sa Procurement Service sang Department of Budget and Management bangud sa pagbakal sang ginapahayag overpriced personal protective equipment kag testing kits balor P8.68 billion.

Facebook Comments

bomboradyo