Target sang Philippine national bowling teams nga makakuha sang gold medal sa Southeast Asian Games sa Hanoi, Vietnam.

Kasunod ini sang ila nangin kadalag-an sa International Bowling Federation World Championships sa Dubai sang nagligad nga semana kun sa diin lunsay bronze medal ang nakuha sang men’s and women’s team.

Maragtason ang amo nga achievement bangud, kun balik-balikan, 2006 pa sang nakakuha sang gold medal ang Pilipinas sa amo nga event sang gintiglawas ni Biboy Rivera ang pungsod.

Sa masunod nga SEA games, ginapanan-aw sang Philippine Team nga Singapore kag Malaysia amo ang mangin ‘biggest threat’ sa ila gold medal bid.

Matandaan nga ang Singapore kag Malaysia amo man ang nangin upang sa gold shot sang Pilipinas sa world championships sa Dubai.

-- Web Ads --

Sa Disyembre magaumpisa ang national team training bangud Mayo 12-23, 2022 pa naka-schedule ang SEA Games.

May tryouts nga patigayunon apang sandig sa pahayag sang Philippine Sports Commission (PSC), ang medalists sa last edition sang SEA Games ang automatic na nga mangin kabahin sang delegasyon sang Pilipinas.

Facebook Comments

bomboradyo