Nagguwa sa duha ka Israeli studies nga ang COVID-19 vaccine sang Pfizer ang makapanubo sang tyansa nga maglaton ang virus.

Sa pagtuon sang Health Ministry sang Israel, natukiban sa data analysis nga ang Pfizer vaccine nga gindevelop sang BioNTech sang Germany ang makapanubo sang infection lakip na ang asymptomatic cases sa 89.4% kag sa symptomatic cases sa 93.7%.

Nagpamalibad naman nga magkomento ang Pfizer tuhoy diri.

Sa separado naman nga pagtuon sang Sheba Medical Center nga ginpublish sang The Lancet medical journal, natukiban nga sa 7,214 ka mga hospital staff nga nakabaton sang first dose sang Enero, may yara sang 85% nga pagnubo sa mga symptomatic COVID-19 sa sulod sang 15 tubtob 28 ka adlaw.

Suno kay Michal Linial, professor sang molecular biology and bioinformatics sa Hebrew University sa Jerusalem, ang mga resulta nga nagguwa ang makabig na nga dako nga tikang padulong sa sabat sa isa nga pinaka-importante nga pamangkot sa pag-away batuk sa pandemya.

Apang santu sa mga vaccine developers, madamo pa nga mga pagtuon kag pagpanalawsaw ang kinahanglanon agud makahimo sang definitive conclusion.

Facebook Comments

bomboradyo