DUMANGAS, ILOILO – Ginareklamo sang pamilya Poblador ang kura paruko sang Dumangas Catholic Church sa Dumangas, Iloilo bangud sa pagpaguwa sini sa simbahan pamilya sang minatay.

Sa interview sang Bombo Radyo kay Nelia Poblador, iya ginpahayag nga 10:00 pa lang sang aga yara na sila sa simbahan bangud 10:30 sang aga kuntani ang misa sang ila minatay nga amo ang iya amay apang nag-abot si Rev. Fr. Juan Parreñas sa simbahan makaligad na ang isa ka oras.

Mismo ang homily sang kura paruko suno sa iya ang indi kaangot sa pagkamatay sang iya amay sa baylo ini ang para sa mga sumilimba sang Dumangas, Iloilo.

Matapos ang misa, nagpapicture ang pamilya apang ginkakibot na lang nila pahayag sang natungdan nga naakig si Father Parreñas kag ginapadasig sila paguwa sa simbahan kag ginhambalan nga perwisyo ang ginahimo sang pamilya bangud may yara sang bunyag.

Gintinguhaan naman sang Bombo Radyo nga makuha ang pahayag ni Father Parreñas sa patas nga pagwaragwag apang nagpahayag ang kura paruko nga sa Domingo siya magahatag sang iya sabat pagkatapos sang misa 8:30 sa aga.

Facebook Comments

bomboradyo