Paborito mo man bala ang tropical fruit nga sandiya?

Nakahibalo ka bala nga kaangay sang cucumber, edible ukon makaon ang sandiya tubtob sa iya panit?

Suno kay Dr. Atli Arnarson, licensed nutritionist sa Iceland, nagakadapat nga indi pag-ihaboy ang panit sang watermelon ukon sandiya bangud manggaranon ini sa fiber, nagapanubo sang blood pressure, naga-boost sang workout kag nagapasanyog sang libido.

Natukiban nga ang panit sang sandiya ang concentrated ukon puno sang libido-boosting powers nga amino acid nga ginatawag nga citrulline.

Ini nga chemical ang makabulig sa mga kalalakihan nga may yara sang mild tubtob sa moderate nga erectile dysfunction.

-- Web Ads --

Natural diuretic man ang watermelon rind ukon ang panit sang sandiya kag manggaranon ini sa vitamins A kag C, potassium, kag magnesium nga nagabulig balanse sa blood pressure sang isa ka indibidwal.

Magluwas diri, ang mataas nga fiber content sang panit sang sandiya ang nagapabuhin sang risgo sa pag-angkon sang balatian sa colon kag nagapa-maintain sang healthy weight.

Ang panit sang sandiya suno sa nutritionist ang mahimo ilakot sa nanuhay-tuhay nga niluto, kag pwede man himuon nga shake ukon juice.

Facebook Comments

bomboradyo