Mabudlay para sa Iloilo City Government nga sugaton ang mga tawo nga nagapaidalom sa swab test bangud kulang ang salakyan sang syudad.

Ini ang may kaangtanan sa reklamo sang transport group nga naga-commute lang ang mga tawo papuli sa ila mga balay pagkatapos magpa-swab test nga mahimo mangin tunaan sang pagdamo pa gid sang mga malatnan sang COVID-19.

Sa interview sang Bombo Radyo kay Iloilo City Mayor Jerry Treñas, iya ginpahayag nga ang mga salakyan sang city government amo ang ginagamit sa vaccination rollout.

Suno kay Treñas, may ginasugat man ang mga salakyan sang city government nga mga nagapositibo sa COVID-19 agud nga dal-on sa quarantine facility.

Nahibluan nga ginrekomendar sang Iloilo City Loop Alliance of Jeepney Operators and Drivers Association (ICLAJODA) sa Iloilo City Government nga mag-provide sang salakyan para sa mga tawo nga nagapaidalom sa swab test.

Facebook Comments

bomboradyo