ILOILO CITY – Daku ang epekto sa negosyo nga travel agency ang pagpauntat sang international flights padulong sa mga lugar nga may yara sang kaso sang Novel Coronavirus.

Sa interview sang Bombo Radyo kay Ritchel Catalan, manager sang DPT Travel and Tours sa syudad sang Iloilo, iya ginpahayag nga may yara sang negatibo nga epekto ang pagkansela sang biyahe bangud nga sa baylo nga ginansya, ila nga ginabalik ang kantidad nga ginbayad sang customer.

Suno kay Catalan, madamo ang pending nga booking sa ila nga travel agency bangud nga ang iban sa mga pasahero ang nagkansela na sang byahe ilabi na ang mga magapadulong kun tani sa China, Hong Kong kag Singapore.

Ginpahayag ni Catalan nga indi mag mato-mato ang mga travel agency sa pagduso nga ibalik gilayon ang international flights sa mga lugar nga may Novel Coronavirus bangud sa kahangawa nga maglapta ang virus.

Ritchel Catalan, manager, DPT Travel and Tours

Facebook Comments

bomboradyo