Ginaduso sa gobyerno nga palip-uton lang ang quarantine period para sa mga fully vaccinated nga byahero halin sa iban nga pungsod partikular na sa North America.

Ini ang panugyan ni Presidential Adviser for Entrepreneurship Joey Concepcion samtang nagahilapit na ang Christmas season.

Ginsuportahan sang nasambit nga palace adviser ang hingyo sang isa ka airline company nga ang pasahero sang international flights ang mapaidalom sa testing 72 hours antes ang departure, i-quarantine sa ila arrival, kag magpaidalom sa confirmatory test sa ikatatlo nga adlaw.

Kun negative ang resulta, pwede na nga padayunon ang quarantine sa balay.

Suno kay Concepcion, dapat nga alalayan subong ang airline companies agud nga indi magcollapse kag indi mangin mabudlay ang pagbyahe sa masunod nga mga tuig.

-- Web Ads --

Ang mas manubo nga quarantine period para sa fully vaccinated travelers halin sa iban nga pungsod ang makabulig agud nga maka-save sang P25,000 ang byahero kag mangin mas maayo pa ang quarantine sa balay.

Facebook Comments

bomboradyo